رياضة

رسالة وداع من أحمد فتحى لـ جماهير وإدارة النادى الاهلى

ودع أحمد فتحي مدافع الأهلي السابق والمنتقل حديثا إلى صفوف بيراميدز جماهير القلعة الحمراء برسالة وداع مؤثرة إلى جماهير القلعة الحمراء.

رسالة احمد فتحى عبر حسابه الرسمي على انستجرام :

حيث ودّع جماهير الأهلي قائلا لحظات يصعب فيها الكلام ،لحظات يصعب فيها التعبير، خاصة وأنت بتخاطب أطراف كلها عزيزة عليك، ولها مكانة خاصة في قلبك.

وكمان عشت معاهم أحلى 12 سنة في حياتي،12 سنة كلها انتصارات وبطولات وأفراح ، وعايز أقول لو عقود الأحتراف المكتوبة بتنتهي،فعقود الحب والود والأحترام بيني وبين كل منظومة النادي الأهلي لن تنتهي.

وأضاف لاعب الأهلي السابق أعذروني لحظات قاسية ،وأي قسوة وأنت تغادر حبايبك اللي قضيت معاهم سنين في النادي الأهلي بيتي وهيفضل بيتي، حتى لو كان القدر كتب لي خطوة جديدة.

رساله فتحى لجماهير النادى الاهلى :

هيفضل جمهور الأهلي اللى حبنى وساعدني ووقف جنبى هيفضل سندي،لأنه جمهور وفى جمهور أصيل ربنا يشهد إني لم أقصر لحظة لا في حق النادي ولا حق جمهوره وبذلت أقصى ما أملك حتى آخر لحظة. وأتمنى أكون قدمت ولو جزء من اللي يستحقه الأهلي وجمهوره.

فتحى يشكر النادى الاهلى وإدارتة وجماهيره :

عايز أسجل شكري للنادي الأهلي وإدارته وعلى رأسها المحترم الكابتن محمود الخطيب وكل الشكر للجماهير اللي مهما تكلمت مش هقدر أعطيها حقها، شكرا لكل المدربين اللي ساعدوني من أول يوم وحتى أخر لحظة، والشكر لكل زمايلي اللعيبة اللي أنا لعبت معاهم على مدار كل الأجيال.

شكرا لأخواتي الأطباء ومساعدينهم أخصائيين التأهيل والمدلكين، شكرا للإداريين والعمال، شكرا لكل فرد ساعدنى ولو بأي حاجة.

أنا مش عايز حد يزعل مني ،في الأول والآخر دي خطوات كتبها ربنا “سبحانه وتعالى” وأنا متوكل على”الله” فى كل خطواتي ودايمآ هيفضل الأهلي وجمهوره في قلبي.

ويقدم نادي بيراميدز لاعبه الجديد أحمد فتحي في مؤتمر صحفي غداً الإثنين 9 نوفمبر، في قاعة مؤتمرات استاد الدفاع الجوي.

أخبار ذات صلة