السيسي لـ كامل الوزير: كل المشروعات تخلص في 2025 حتى لو أنا مش موجود معاكم

الرئيس عبد الفتاح السيسي من مؤتمر حكاية وطن

قال الرئيس عبد الفتاح السيسي، خلال مؤتمر حكاية وطن: “في كل نقطة عرضت من وزيري الإسكان والنقل كان فيه جهد وإرادة إن البلد تتغير لواقع تاني خالص، والحقيقة أنا بشكر أيضا الدكتور مصطفى مدبولي رئيس الوزراء أكتر شخصية تحملت ضغوط هائلة.. كان كل يوم موجود معانا وبياخد في جنابه، الدول اللي ظروفها الاقتصادية صعبة ملهاش غير الأفكار”.

عشوائيات ميناء الإسكندرية

وأضاف الرئيس السيسي، خلال مؤتمر “حكاية وطن”: “لما كامل الوزير اتكلم عن ميناء الإسكندرية درجة الإهمال وصلت إن الناس دخلت عملت جواه مدرسة وعمارة واتحول لعشوائيات ولما جينا نخلي الناس والفريق كامل الوزير يدفع حق 2000 شقة علشان يشيل الناس من جوا علشان نعمل ظهير خلفي لميناء الإسكندرية”.

وتابع السيسي: “حاجة مهمة هقولها لوزيري الإسكان الدكتور عاصم الجزار والنقل كامل الوزير أنا معرفش حاجة اسمها 2030 حتى لو انا مش موجود معاكم احنا بنتكلم علي إنجاز المشروعات علي 2025، ميناء الاسكندرية ميخلصش في 2030 يخلص في 2025 يا كامل، لو بنتكلم عن تحدي أن الدولة تبقى قدمت ما عليها لإنجاح فكرة انها تبقى مركز للتجارة العالمي لازم ده يخلص 2025 ونقول موانينا جاهزة وسككنا الحديد جاهزة والطرق بتاعتنا جاهزة بكل شئ”.

كامل الوزير: خصصنا 2 تريليون جنيه لتطوير منظومة النقل

وقال الفريق كامل الوزير، وزير النقل، إن أبرز إنجازات النقل في الـ9 سنوات الماضية كانت وضع خطة لتحديث عناصر منظومة النقل في كافة القطاعات ولتنفيذ الخطة تم تخصيص 2 تريليون جنيه ومن المتوقع أن تصل إلى 3 تريليونات في 2023.

وأضاف، الفريق كامل الوزير: “السكك الحديدية في 2014 كانت تستطيع نقل 900 ألف راكب يوميا، و9 ملايين طن بضائع سنويا، وفى 2023 وبعد أن أنفقنا 225 مليار جنيه أصبح نستطيع نقل 1.2 مليون راكب يوميا، و5 ملايين طن بضائع سنويا وارتفعت مستويات السلامة والتأمين وانتظام مواعيد القطارات، ومن المتوقع أن ننفق 75 مليار جنيه لنصل إلى 2 مليون راكب يوميا و13 مليون طن بضائع سنويا ولنصل إلى معايير السلامة العالمية”.

وأردف: “في 2014 كان لدينا 791 جرارا فيها 400 صالح بكفاءة 60 % والبقية عاطلة بالكامل، في 2023 اصبح لدينا 210 جرارات جديدة بالكامل و594 جرارا صالحا بكفاءة 80%، و186 عاطلا ولها عقود تجديدات”.